وصفة الكيك طارط بكريمة الحامض
المكونات:
- العبار بكأس العنبة
- 4 بيضات
- 2 كيسان سنيدة
- 2 فاني
- 2 خميرة ديال 8غ
- كأس زيت
- كأس دقيق
- كأس دقيق الفينو
- كأس بودرة اللوز
- 2 معالق كبار مايزينة
- 4 معالق كبار عصير الحامض
- قشرة حامضة مبشورة
الطريقة
نطربو البيض وسنيدة والفاني بالطراب اليدوي تم انضيفو الزيت وعصير الحامض وبودرة اللوز والدقيق والخميرة والمايزينة .
انفرغو الخليط في المول العجيب وانطيبوه على 180 درجة.
فور خروجه من الفرن نسقيوه بسيرو متكون من
نصف كأس عصير الحامض طايب مع نصف كأس ماء ونصف كأس سكر.
كريمة الحامض
150غ عصير الحامض فوق النار مع 100غ سنيدة وقشرة حامضة محكوكة.
في اناء اخر انخلطو 100غ سنيدة مع 4 بيضات .
انفرغو الخليط الأول على التاني وانحركو وانرجعوه فوق النار على عافية مهيلة. حتى يتقال .
انحيدوه وانزيدو عليه 200غ من الزبدة الممتازة وانحركو مزيان وانصفيوه وانحتافضو بيه حتى يبرد. عاد انصبوه فوق الحلوى.
انزوقوه حسب الرغبة. انا درت فرمبواز و وريدات من عجين اللوز.
