السلام عليكم ورحمة الله وبركاته
كيف راكم نتمنى تكون أموركم على خير
اليوم جيت نشارك معاكم واحد الطريقة بسيطة وساهلة لفتل الكسكس
مؤخرا اكتشفت واحد الطريقة نفتل بها الكسكس عجيبة وسريعة
ونتمنى تعجبكم خصوصا للمغتربين الكسكس غالي هنا ……
المقادير والطريقة هي:
تجيبي السميدة تزيدي عليها شوية ملح والزيت
خلطيها بالضراب الكهربائي حتى تبدا تجمع كويرات صغيرة
ثم تزيدي ليها الماء بشوية بشوية وانتي كتضربي بالضراب حتى تحصلي على حبات الكسكس
وتعربليه وهاهو واجد
نتمنى الطريقة تكون واضحة وتعجبكم
ملاحظة
نوع السميد يتوقف على هدفنا من الكسكس اذا كنا نرغب في اعداد السفة فيجب ان تكون السميد رقيقة واذا كنا نرغب في اعداد وجبة الكسكس بالخضر فنوع السميد يكون متوسط وقد نستمر في فتل هذا النوع من السميد الى ان يصبح غليظا من اجل حساء البركوكش.
الكسكس المعد بهذا النوع من الدقيق يحتاج بعد عملية تبخيره لكمية اكثر من الماء ، وبعد عملية التبخير الاولى سيتضاعف حجمه.
