وضوع الاخت : أم ملاك
مقادير العجين
- كيلوطحين الفورص
- لخميرة ديال الحلوة من فئة 14g
- 2 معالق زيت أو جوج معالق زبدة
- 3 معالق خل ، على فكرة الخل كيجيب المسمن هشيش ومورق
- الملح
- تعجن بالماء
الطريقة
تعجن جميع المقادير وتدلك مزيان وتكون شوية خفيفة بحال عجين المسمن العادي وتدهن بالزيت ونديروها فبلاستيكة ونخليوها ترتاح .
مقادير الحشوة
- 2 بصلات مشلظين رقاق
- فلفلة حلوة حمراء وفلفلة حلوة خضراء مقطعين رقاق
- 2 خيزوات محكوكين
- 1 كرعة خضراء محكوكة
- 2 معالق مطيشة
- الطون أنا ستعملت الطون الحار ولي كيبغي لهريسة إديرها
- التوابل ،الملح القليل من الابزار والخرقوم
- بيضة للدهن
الطريقة
نديرو كلشي في مقالات مع 2 معالق زيت حتىيتشحرو ونتبلوهم بالتوابل المذكورة وفي الأخير نزيدو الطون
هاهي الحشوة ديالنا واجدة
ملي ترخف العجينة نعملو كرصات صغار ونسمنوهم بالزبدة مدوبة ونعملوهم بحال المسمن العادي ديال أربعة وملي نكلملو الكل
ناخدوالمسمنة الأولى ونبسطوها شوية
ونعمروها بالحشوة
ونجمعوها على شكل وردة
نهزوالمسمنات ونحطوهم فطاوة مدهونة وفالطاوة نحاولو نبسطوهم شوية ونحلو الجناب باش تبان الحشوة
ونذهنوهم بالبيض وندخلوهم الفران
وهاهوما المسيمنات واجدين
