مقادير الحشوة:
صلصة الطماطم اللي وجدنها من قبل والطريقة تحضيرها كناخد طنجرة نوضع فيها تقريبا 1كيلو من طماطم مقطع على 2 بقشرتها وبصلة منقية مقطعة على 2 و2 ضروس الثومة و2 وراق سيدنا موسى وتحميرة والابزار والملح وقليل من الماء نوضع الكل فوق نار حتى كتدبل مطيشة ونطحنها في الطحانة اليدوية ونرجعها الطنجرة ونضيف اليها نصف كاس زيت الزيتون وملعقة كبيرة مطيشة الحك وقليل من الزعتر محكوك نشحرهم مزيااان وفي الاخير نضيف ملعقة السكر سنيدة وها الصلصة واجدة .
بالنسبة للمكونات البيزا الاخرى كتبقى اختيارية ممكن الكفتة او الطون البصل الفلافل والزيتون والجبن ..
مقادير العجينة:
- 300غ الدقيق الابيض
- 200غ الدقيق الفينو
- ربع كاس عنبة زيت الزيتون
- ملعقة كبيرة السكر سنيدة
- ملح
- ملعقة خميرة معجونة او حبوب
- ماء دافئ لجمع العجينة.
في اناء او في العجانة نوضع كاس ماء دافء مع الخميرة والسكر نخلط ونضيف جهد 2 الى 3 معالق من الكمية الدقيق الابيض اللي عندنا ونخلط مزيان ونغطيوها بالبلاستيك الغدائي ويترك حتى يتضاعف الحجم .
ثم نضيف الزيت والدقيق الفينو والدقيق الابيض الباقي ونخلط مزياااان مع اظافة الملح في الاخير مع الدلك الجيد في البول مدهون بشوية الزيت نوضع العجينة ونغطيوها بالبلاستيك وندخلها الثلاجة واحد المدة على الاقل نصف ساعة نخرجها ونعاود نخليوها في خارج الثلاجة حتى تخمر مزيااان .
ثم نشكل حسب الرغبة ممكن بيتزا كبيرة او على شكل فرديين.
