كيكة الكوكوط كتجي مفشفشة بحال بونج

موقع وصفات لالة مولاتي يقدم لك سيدتي كيكة الكوكوط كتجي مفشفشة بحال بونج

المقادير:

4 البيضات.
كاس سنيدة .
كاس زيت .
نص كاس ماء بارد نخلطوه مع معلقة قهوة سريعة دوبان .
قبصة ملح .
2 خمارات .
2 ساشي كاكاو.
فاني اختياري. بين 9 و 10 معالق دقيق نوع ممتاز.

طريقة التحضير:

1- نخلطو لخميرة ودقيق و الكاكاو والملح مع بعض ونغربلوهم ونخليوهم على جنب

2- نخلطو سنيدة مع البيض مزيان حتى ينساجمو ونبداو نزيدو زيت بشوية عاد الماء مخلط بالقهوة . نخلطو مزيان و نزيدو المواد الجافة

3- ندهنو الكوكوط بالزبدة مزيان ونضيفو الخليط ديالنا ونسدو الكوكوط بلا منديرو صفارة

نحطوها فوق نار مهيلة بحال شمعة ونخليوها طيب تقريبا بين 35 و 40 دقيقة حتى يبداو واحد نقيطات الماء يخرجو من صفارة عاد نطفيو عليها, نخليوها ترتاح 5 دقايق فوق فوطة فازكة بالماء ونحلو الكوكوط ونزينوها حسب الرغبة وبالصحة والراحة.