معلووووومة مهممممة على البونجة ديال الماعن ضروري كل سيدة تعرفها !!




السلام عليكم و رحمة الله و بركاته،

اجي لهنا بعدا امتى اخر مرة بدلتوها؟؟

هاد القضية تينساوها بزاف ديال العيالات رغم انها مهمة بزاف،

لانه ممكن للبونجة او الحلفة ديال الماعن تتسبب بتسمم افراد الاسرة الا ما تبدلاتش

بانتظام، لان البكتريا تنمو على سطحها. طبعا تنظيفها لابد منه و هو انك تطلقي عليها

الماء طايب خاصة بعدما تغسلي بها القطاعة فوقاش تتقطعي الدجاج او اللحم لانه الا ما غسلتيهاش

بكتيريا الدجاج و اللحم + الزفورية تتعاودي تغسلي بها الماعن الاخريين و هي شي ما درتيه،

ياك بعدا؟ و كاين طريقة اخرى ديال المايكرويف تتدخليها له شي عشرة الثواني و ها هي تنظفات

و قتلتي الباكتيريا عوض ما تقتلك. و اخيرا و ليس اخرا ما تنساوش انها حتى هي خصها تتبدل

و هادشي غير باش تستهلك بلا ما تهلك!

كاين واحد الونجة  رووووووعة و اللي شافتها فاي بلاصة

تشريها لانها باليد ما تيقيسكش الصابون فيديك و فنفس الوقت فيها داك الانبوب تتديري فيه

الصابون (انا تندير فيها فيري مع الخل) و تيبقى لك غير تفزكي البونجة و تضغطي على

ديك السدادة ديالها باش يخرج المسحوق، الا تتغسلي بتيد خلطيه بالماء او الخل او الصابون البلدي

المهم ان الخليط يكون سائل مشي مسحوق لانه ما غيخرجش. اوكي؟

ملاحظة: اللي شرات هذه اللعيبة تشري معها البونجات ديالولها باش تبقى تبدلهم