تحضير غداء بالدنجال و بطاطا بالخطوات المصورة
المقادير:
- دنجال كبير
- 2 بطاطات مسلوقين
- شوية الكفتة مشحرة مع نص بصلة والتوابل
- فرماج محكوك.
الطريقة:
نقطعو الدنجال شرائح طولية رقيقة وندوزوهم فمقلة فيها شويية الزيت حتى يدبالو ويكونو ساهلين اطواو، ملي تسلق البطاطا نمعسوها مع ملح،بزار،تومة غبرة،فرماجة مثلثة،شوية زبدة وشوية الربيع.ونزيدو عليها الكفتة لي سبق لينا شحرناها مع البصلة والتوابل.ملي اوجد الدنجال نرش عليه شوية الملح ونبدا نعمرو بالبطاطا ونديرو وسطها شوية الفرماج ونروليو شرائح الدنجال.نستفوه فمول مدهون بالزبدة .نحكو واحد جوج مطيشات نشحروهوم مع الملح وبزار وشوية الربيع ونزيدو ليهم جوج معالق حك مطيشة ملي يتشحرو شوية نكبوهوم فوق الدنجال ونحكو عليه الفرماج وندخلوه للفرن وبالصحة والراحة جربوه راه كيجي راائع.
