الفلفلة رخيصة دابة دخلي نقولك كيفاش تخزنيها وتبقالك ديما بنفس المذاق




السلام عليكم ورحمة الله وبركاته


نتمنى تكون أموركم كلها على خير وبخير حبيباتي

المهم بلا منطول عليكم ندخل فالموضوع

كيف تتعرفو اخواتي هدا هو موسم الفلفلة فتمنها رخيص فالسوق

فالي بغات  تحتفظ بها مشوية فالتلاجة هده طريقة بسيطة كنديرها ديما وكتبقالي بنفس المذاق مدة طويلة

الطريقة ساهلة وما عليك غير

تنلخدو الفلفلة مزيانه نشويوها نديروها في شي كيس بلاستيك حتى تعرق و نقشروها

و نمسحوها بشي زيف نقي متقيسهاش بالماء  و تقطعوها قطع طويلة او صغيرة على حسب الرغبة

و ديريها فعلبة خاصة بالتلاجة  و غطيها بالزيت العود هي تتبقى  لأكتر من شهرين حفظي عليها من البرد

و بالصحة و الراحة حبيباتي نتمنى تعجبكم الفكرة وتجربوها