سلام الغزلات ديالي كنقدم ليكم واحد الطاجين غزال ولذيذ من منطقة اوريكة نواحي مدينة مراكش وهي المنطقة المشهورة بأطباقها البربرية اللذيذة والشهية والتي تشهد إقبالا كبيرا من طرف الزوار.
المقادير
لحم الغنمي
2 بصلات مقطعين على شكل هلال
2 بطاطا +2ڭريعات خضرين +فلفلة حلوة +فلفلة حارة + 1 مطيشة +1 خيزو + مصيرة+ابزار+ثوم +ملح+سكنجبير+كمون+زعفران +قزبر و معدنوس مدقوق + الزيتون + المكون السري هو ملعقة من دقيق الفرص الممزوج مع زيت الزيتون.
طريقة التحضير :
أول حاجة نفرش البصل في الطاجين و نقطع البطاطا دوائر ونفرشها و نزيد اللحم و نقطع خيزو و ڭريعة طوال و فلفل حلوه دوائر و نوضع الكل في الطاجين ديالي و ندير ثوم تم العطرية كلها و نص كاس ديال الماء + الزيت الممزوج مع الدقيق ،و أخيرا نقطع الطماطم دوائر ونحطها من فوق وندير قزبر و معدنوس مدقوق ولي بغا الحار يحط الفلفل الحار من فوق. كنتمنى أعجبكم طاجين بلخضر
