وصفة الاخت ٱية
الحلويات حلوى اوبيرا الشهية متكونة من 3 طبقات
biscuit jocond
Creme Au beurro ala creme anglaise
Chocolate ganache
BISCUIT JOCONDE :200غ بودرة اللوز 200غ السكر صقيل 30غ الدقيق 300غ البيض كامل 200غ ابيض البيض 50غ السكر سنيدة
طريقة تان طلعو بياض البيض بطراب مع ديك 50غ السكر على مراحل تات ولي عدنا بحال مورينغ ونخليو على جنب ندوزو البيض كامل نخلطوه مع بودرة اللوز وسكر صقيل لي نكونو طحناهم وغربلناهم بحال لي بغينا نديرو لمكرون نطربوهم مزيان بطراب ونضيفو ليهم الدقيق ونحاولو ندمجوه مع بياض البيض بلا ما نهرسوه ونديروه الخليط في 3 طاوات 30على 40 cm تكون طبقة رقيقة على 160 درجة ما يفوتوش 10 دقايق.
كريمة الانجليزية :6صفار البيض 200غ السكر 200ملل حليب 500غ الزبدة معلقة قهوة سريعة دوبان
ناخدو حليب نسخنوه مزيان وناخدو صفار البيض زنطربوه مزيان مع السكر حتى يولي ابيض و نضيفو عليه داك الحليب ونخلطو مزيان ونردوه فوق كصرونة بحالي بغينا نديرو كريم باتسير نبقاو نحركو حتى يوصل لينا 80_83 ° درجة لي معندهاش باش تعبر حرارة الخليط ما خاصوش يغلى مرة مرة نجربو بالصبع ديالنا خاصنا ملي ندوزو صبعنا في معلقة خشية ما يطلقاوش خطوط من بعد.نخليوها غير شويا دفا ونديروها في طراب نبقاو نطربو حتى يضاعف الخليط ويبررد ونبداو نزيدو الزبدة تدريجيا حتى تولي عدنا كريمة ملساء وزوينة وندخلوها لتلاجة تبرد .
كاناش : 150غ الكريمة 250غ الشكلاط اسود 40 غ الزبدة
طريقة نسخنو كريمة بلا ما تغلى ونصبوها على شكلاط مقطع رقيق ونحركو حتى يدوب ونضيفو الزبدة ونخليو جانبا .
سيرو: 300مل الماء 150غ السكر معلقة كبيرة قهوة سريعة دوبان نديرو الكل على نار ونخليوه يغلى .
طريقة ناخدو البسكويت جوكوند ندهنوه با40غ الشكلاط مدوب من وجه وندخلوه مجمد هاد طبقة تات دير لينا عازل باش ما يهبطش لينا سيرو لتحت كاطو ملي يجمد ديك طبقة الشكلاط تكون هي التحت ديال كاطو ونسقيو بسكويت مزيان باسيرو ونديرو طبقة كريمة انجليزية وطبقة تانية بسكويت ونسقيوه مرة اخرى ونديرو طبقة كاناش ونديرو طبقة 3 ديال بسكويت نسقيوها مزيان وطبقة اخيرة كريمة انجليزية نقادو الوجه ودخلوها المجمد على اقل 3ساعات والا باتت احسن ونوجدو كلاصاش لي غادي يغطي الوجه 200غ الشكلاطة سوداء مع 30مل زيت مائدة ونصبوه في وجه الكاطو نحاولو نزربو ملي نصبوه حيت بزربة تاي جمد وباصحة وراحة يااما نقدموها على شكل طرونش او عائلة وتزين تاي بقى اختياري
