ميل فوي بالفريز لذيذة بطريقة تقديم جديدة
* العجين :
- 60 مللتر من الماء دافئ ،
- 100 غ من خميرة الخبز ،
- 250 مللتر من الحليب سائل ، مع صغيرة من السكر ،
- 500 غ من الدقيق
- 300 غ من الزبدة باردة .
تذوب الخميرة في الماء ثم تخلطي الحليب مع السكر ثم تضيفي الدقيق و تجمعي الكل و تزيدي الزبدة و تجمعي في خلاط كهربائي ثم تخليها ترتاح .
تاخذي 200 غ من هاد العجين و تسرحيها على شكل ورقة بالمدلك و تحطيها من جديد في الثلاجة لمدة نصف ساعة ، ثم تحطيها في لاطة الفرن و تكيها كاملة بشوكة و تاخذي مع كبيرة من الحليب و ترشيها من فوق العجين و ترشي مع من السنيدة و تدخليها للفرن مدة 15 دقيقة للحصول على ورق الميل فوي .
* الكريمة :
نصف لتر حليب ، مع صغيرة من الفانيلا ، 150 غ سنيدة ، 75 غ من الدقيق و 3 البيضات و تطربيهم مزيان .
نصف لتر حليب ، مع صغيرة من الفانيلا ، 150 غ سنيدة ، 75 غ من الدقيق و 3 البيضات و تطربيهم مزيان .
تدفي الحليب مع السكر و الفانيلا و تضيفي ليه البيض مع التحراك ثم تضيفي الدقيق فوق نار مهيلة حتى يتجانس الخليط وماخاصش يغلي الحليب و مايتكونش البيض حتى يولي الخليط خاتر ثم تسكبي الخليط في اناء بارد و تخليه يبرد .
* كريمة 2 :
250 مل من القشدة الطرية و تطلعيها شانتيي ثم تاخذي 4 الفريزات و تقطعيهم شرائح ثم تضيفي القشدة الطرية للخليط الأول .
250 مل من القشدة الطرية و تطلعيها شانتيي ثم تاخذي 4 الفريزات و تقطعيهم شرائح ثم تضيفي القشدة الطرية للخليط الأول .
تاخذي الورقة و تقطعيها على شكل متساوي و تبداي تفرشي طبقات :
الطبقة الأولى :
الكريمة ثم الفريز ثم ورقة ثانية و طبقة من الكريمة ثم الفريز ثم ورقة أخيرة ثم تحضري الكلاصاج .
الكلاصاج :
كأس من السكر كلاصي و تطربيه مع 3 مع من الماء حتى يولي سائل ثم تفرغيه على الوجه .
تذوبي الشكلاط الأسود و تزيني به خطوط على الوجه و تقدميها بالصحة و الراحة .
