وصفة للأحت أمال تبارك الله عليها :
هاذي كيكة الطبقات اللي صايبت كتجي بحال الطورطة فنة … خصوصا فأعياد الميلاد …. او فأي مناسبة حيت المقادير لي فيها موجودين فالحوانت بلا منحتاجو نمشو لسوبر مارشي او السوق ……نتمنى هذي تعجبكم و تجربوها اهم حاجة تخلوها تبات فالثلاجة ليلة كاملة .
الطبقة الاولى:
- 2 بيضات
- نصف كأس زيت
- نصف كأس سكر سنيدة
- 2 معالق كاكاو
- نصف كأس حليب
- 1 كيس فاني
- 1 كيس خميرة
- دقيق
الطبقة الثانية:
- 1 كيس نيدو حجم 60g
- 3 ياغورت طبيعي
- 4 معالق سكر
- 1 كيس فاني
الطبقة الثالثة:
- 2 بكيات فلون شكلاط
- نصف لتر حليب
- 1 بيرلي ( الجبن الطري )
- 1 ياغورت شكلاط
- 1 معلقة صغيرة كاكاو
- 1 بكية بسكويت هنريس
- 3 معالق كبار سكر
- رشة صغير قهوة سريعة الذوبان (إختيارية)
الطريقة:
الطبقة الاولى:
تخلط مقادير الكيكة (نفرشو ورق الزبدة فالمول …من الاحسن يكون كيتحل من الجنب ) و توضع في الفرن …. (مشعول من الفوق والتحت ) …… فور إخراجها من الفرن نسقيها بربع كوب من الماء مضاف إليه نصف ملعقة صغيرة قهوة سريعة الذوبان او كاكاو ( حسب الذوق )
الطبقة الثانية:
يخلط اليوغورت الطبيعي مع السكر و نيدو في خلاط كهربائي ….. يسكب فوق الكيكة بعد نضوجها …. و نعيدها إلى الفرن ( يكون مشعول غير من الفوق) لمدة خمس دقائق (نمسوها إلا لقيناها قساحت نخرجوها )..نخلوها تبرد
الطبقة الثالثة:
نقطع البسكويت ( ندقوه شوية فالمهراز ) إلى قطع صغيرة و نضعه في الخلاط الكهربائي نضيف عليه بيرلي و يوغورت الشكلاط و ملعقة صغيرة كاكاو … ثم نسخن الحليب نضف له الفلان و السكر نحركه حتى يغلي ثم نسكبه في الخلاط على المكونات الاخرى … نخلط جيدا ثم نسكبه فوق الكيكة و ندخلها الثلاجة ضروري لمدة ليلة كاملة …
بالصحة و الراحة .
