نقترح عليك سيدتي مسمن معمر بالبصل والفلفل بنين بزاف بالصور
مقادير مسمن معمر بالبصل والفلفل
- بصل
- فلفل أخضر
- فلفل أحمر
- فلفل أصفر
- طماطم
- توابل حسب الذوق
طريقة تحضير مسمن معمر بالبصل والفلفل
نشحرو البصلة فالزيت والملح وابزار
ونزيدو الفلفلة بالالوان واللي تبغي الحار تزيدو فلفلة حارة مقطعة طراف صغار
من بعد نزيدو مطيشة
ونغطيو المقلاة ونخليو كلشي ايطيب على عافية منقوسة باش الخضر تطلق الماء ديالها وهو فاش غادة تطيب
من بعد نزيدو فالعافية ونخليو كلشي يتشحر حتا تنشف مزيان
ونخليوها تبرد ، ممكن نصوبوها فالصباح وفالعشية نعمرو بيها
مقادير المسمن
زلافة فورص وزلافة فينو وملح وشوية لخميرة ماشي بزاف
طريقة تحضير المسمن
نخلطو ونعجنو مزيان مسمن عادي ونديروه كويرات ونخليوهم يرتاحو نصف ساعة تقريبا
نطرقو لكويرات ديالنا ونعمروهم بالحشوة ونزيدو عليهم الفرماج إلى حبيتو
ونطويوهم كما في الصورة
ولطويناها نديروها الطيب مباشرة ومنحمروهاش بزاف حيت مازال تسخن وتزيد تحمر شوية
هاهما واجدين وبنان بزاااااف
