الطريقة لي تعلمت من عجوزتي فالطياب كنديرها ملي نكون زربانة وكيجي طيابي شهوة منو




جبت ليكم واحد الطريقة كنطيب بيها ملي كنكون مزروبة بلا كتجي المرقة عااقدة وبنينة وبلا زيت بلا تشحار،بالنسبة للمرق باش يجي خاتر انا واعوذ بالله من قول انا كندير اللحم مع الملح بوحدو آآآآآه بوحدو وكنسد عليه الكوكوت ديريك بلا زيت بلا تشحار بلا والو


كنجهد العافية حتى كتسخن مزياان من بعد كنديرها على عافية مهيييلة حتىكنحس راها طابت نصف طيبة كنحل عليها واراك دبا عارفين شحال ديال الماء كطلق اللحم؟؟؟؟؟ يعني ماتحتاجو تمرقو ماوالو من بعد كنديرو البصلة والزيت ووالعطريةو يعني كما مولفين وكنسدو عليها عاود باش تكمل طيابها وملي نحلو نخليوها محلولة ونضيفو الزيتون والحامض كما العادة ونخليو المرقة تتشحر على حسب كل واحد وذوقو،صراحة كتجي لذيذة بزاااف لانها مافيها لا ماء ولو قطرة،والي ذاقو كيعجبو بزااااف كيجي بحال الذوق داللحم دالعراسات.