تحضير كيكة بالشكلاط راقية جدا وهشيشة كدوب في الفم
مقادير جينواز:
4 بيضات كاس سكر قبصة ملح 1 فاني نص كاس ما طايب نص كاس نشا كاس دقيق نقصو منو معلقة، 3 ملاعق كاكاو 1 خميرة ، كنطربو بياض البيض مع قبصة ملح حتى يطلع، ونطربو صفار بيض مع سكر و فاني ونص كاس ما طايب شوية بشوية حتى يولي لولنو ابيض كنضيفولو نشا ودقيق وكاكاو و خميرة مغربلين ونخلطو بطراب ونضيفو ليه بياض البيض نخلطو بشوية من لتحت لفوق باش متنزلش، نديروه فمول نطيبوها نخليوها تبرد عاد نزولوها من مول ونقسموها على 3.
الكريمة :
علبة شونتيي وعلبة كريم گلاصي شوكولا نطلعوهم ف كاس ونص حليب نضيفو ساشي كاكاو.
نسقيو جينواز بنيسكافي والما وسكر نحطو كريمة حتى نكملو طبقات و نديرو الكريمة على كيك كامل فوق والجوانب نديرو شوكولا فيرميسيل فجناب وتزيين اختياري
