وصفة الاخت سناء ام هديل
كاطو شوكو كلاصي مغلف بكناش الشوكولاطة
اولا كنخدم بسكوي لي غادي اكون ف القاعدة كنعمل بيضة مع 5 ملاعق سكر 4 زيت 4 حليب سائل نصف خمارة نضيف الدقيق كتخرج لينا كمية. صغيرة نسرحوها ف طاوة انطيبها لازم تكون اصغر من المول لي غادي نمونطي فيه الكاطو
بالنسبة ل الكريمة انا طلعت كريمة تقريبا 400غ نحتفض بيها ف المطبخ انجيب كاسرول نوضع فيها رابعة شكلاط اسود مع نصف كاس كريم ونصف كاس حليب 6 اوراق جيلاتين 2 حتى 3 معالق بودر كاكاو انمزج الكل فوق نار حتا ادوب الشكلاط انتركو ابرد حتى اولي دافئ عاد ك نزيدوه على الكريم لي سبق طلعناها امن فوق لاسفل كنجيب المول انا غلفتو ب فيلم اليمونتير اكنفرغ الكريمة عاد كنجيب البسكوي لي قطعتو اصغر من الاطار لي فرغت فيه الكريم
وسقيت البسكوي بقليل من مشروب هواي اضغط عليه حتى طلعات الكريمة من الجناب اتساوا لي السطح من فوق دخلتها ل مجمد 5 ساعات ملي خرجتها قلبتها ديموليتها فوق شبك فرغت عليها كناش كنخدو نفسة العبار من الشكلاط والكريم
سخنت 150غ من الكريم اضفت لو 150غ شكلاط بعد ما قطعتو رقيق طفيت البوطة اخليتهم 2 دقايق احركتهم خليتو برد افرغتو فوق الكاطو تزين حسب الرغبة نتمنى تجربوه لانه فعلا يستحق التجربة
