هادا طون معلب منزلي عوض نشريو لي واجد نوجدوه بيدينا فدارنا ونعرفو شنو كلينا نتمنى اعجبكم.
الطريقة:
نحتاجو طون درت وحدة صاينة تقريبا فيها 2 حتى ل3 كيلو -وراق الرند(ورقة موسى) ثوم ملح ابزار كامون قزبور حبوب زعتر زيت رومية خل وحامض قطعت الطون كل طرف فيه 3سنتيم غسلوه بالما مزيان وسقطروه وجدو إناء فيه ماء وعصير حامضة ونص كاس خل ورقدو فيه الطون مدة 10 دقايق من بعد وجدو كاميلة ديرو فيها قياس 2كسان ونص عنبة د زيت رومية +كاس خل (ملح كامون ابزار قزبور حبوب ورقة الرند وزعتر هادو ديرو قياس لي حبيتو حسب الرغبة وزيدو شي 4او 5فصوص ثوم بقشرتهم غير تكوهم بموس وصافي خلطي تخليطة مزيان وبداي دوزي فيه طريفات الطون وحدة بوحدة وستفيهم ) شعلي على كميلتك عافية مجهدة فالاول حتى تبان ليك بدات كاتغلي عاد قلبي طون على وجهو الاخر حتى اغلى مرة اخرى وعاد نقصي عافية مهيللة بزااف بحال شمعة مدة ساعتين حتى ل3ساعات طفي عليه هزي الطون ونقيه من الشوك وقشرة البرانية ديالة وبلاصة لي فيها الدم حتى ابقالك غير هبرة كما فصور ديريه فبواطةوخودي داك زيت فاش طاب وصفيه ظيفي عليه زيت بلدية عاد خويه على طون ضروري زيت اكون مغطي الطون وإلا غادي اضيع ليك وبصحة وراحة ملاحظة حتافظو بثوم ووراق الرند ديروهم مع الطون باش اطلق فيه نسمة
