سلام بلا مقدمات ندخل فلموضوع ليوم وغي بصدفة كتشفت واحد لحاجة خطيرة لتبييض وهي
البطاطا مسلوقة و تفاحة مسلوقة وزادت عليهم دانون مسوس وعصير حامض والله لقسم حتى تصدمت بحالي تقول دايرة ديكاباج لمهم أنا نعودليكوم كيفاش طرا ليوم كنت درت بطاطا puré وبقت بطاطا شيطا ليا قلت أرى نطليها لوجهي وراكم عارفين لبطاطا غي لما ديالها كيبض لبشرة لمهم معستها بلفورشيتا ومشيت سلقت تفاحة حتى هي وزدتها على بطاطا وكان عندي دانون مسوس وعصير حامض صافي خلط كلشي حتى ولا بحال لكريم ودرتو لوجهي وداكشي لي بقى خلط به يدي وبقيت به واحد نص ساعة واحد شوية مشيت غسلت يدي
أش غادي نقلكم والله لقسم ولله شاهد على ما أقول لما يدي تطراسو بلبياض بحال ملي كديري لحنا وبحال هاكاك ولله لقسم ملي شفت داك لبياض فيدي قلت نخليه واحد نص ساعة أخرى فوجهي وداكشي لي كان إوا مانقليكومش ملي مشيت غسلت وجهي شمن بياض شمن رطبيه
