تحضير تشيز كيك بالفراولة تحمر الوجه





نقدم لك سيدتي تشيز كيك بالفراولة:



البيسكوي :


غ300 بسكوي مطحون ونضيفو ليه دانون كراميل نخلطوه ونبسطوه فالمول وندخلوه المجمد واحد 30 دقيقة.


الكريمة: 


جبن جبلي أو يمكن نعوضوه ب 4دانون مسوس نطربوه شوية مع 2 معالق كبار سنيدة ونصف معلقة صغيرة فاني من بعد نزيد ليه 600ml كريم فريش باردة ونكملو تطراب حتى يعقاد ونخويه فوق البيسكوي وندخلوه ثاني المجمد مدة ساعة.


فريز: 


غ250 فريز مقطع صغير نزيد معاه 3 معالق كبار سنيدة ونخليوه ربع ساعة باش يطلق لينا الماء من بعد نزيد عليه 2 فلان فريز وكاس الماء ونطحنو كولشي مزيان من بعد نديروه فوق البوطة يبدى يغلى نطفيو عليه ونخلوه يدفى شوية عاد نخويوه فوق الكريمة وندخلوه ثاني للمجمد 3 سوايع.