هذا هو المسمن لي عمرو ما خطاني فالدار معمر بحشوة لذيذة شهوة منو كيعجب الكبار والصغار
مقادير مسمن معمر بالكفتة :
- 500 غرام طحين
- خمارة ديال الحلوة
- الملح
- ابزار
- بيضة
- شعرية الصينية
- معلقة كبيرة زبدة
- 250 غرام كفتة
- ضامة البنة ديال البقري
طريقة تحضير مسمن معمر بالكفتة :
اولا كنوجدو العجينة فإناء كنديرو الطحين و الخميرة و الملح والبيض و كنجمعوها
بالما دافي ونخليوها ترتاح من بعد كنسخنو الما مزيان ونديروه
فاناء ونديرو فيه الشعرية الصينية و نغطيوه
فمقلة نديرو معلقة ديال الزبدة على عافية مهيلة و نديرو الكفتة
والملح و ضامة البنة ونحركوها حتى طيب ونحيدوها
من فوق البوطة ونزيدو عليها الشعرية الصينية
فهاد الوقت ناخدو العجينة ديالنا ونديروها كويرات صغار ملي
ترطاب نبسطو العجينة و ونحطو فوقها معلقة ديال الحشوة ونطويوها على 4 وليني منكرصوهاش ونستفو
المربعات ديالنا فوق طاوة مدهونة بالزيت وندخلوها لفران يكون متوسط الحرارة
وهاهوا ملي خرجناه.
