شهيوات رمضان …فطائر مشبكة رائعين
المقادير :
الحشوة :- 200غ من صدر الدجاج أو الديك الرومي
- 2 حبات جزر محكوك
- حبة بصل مشلظة
- الفرماج محكوك
- الصلصة الحارة حسب الذوق
- الخرقوم سكينجبير ،الابزار ، القليل من الزعتر ،
- بودرة الثوم أو ضرس ثوم ،
- الملح ، التحميرة و الزيت.
العجين :
- زلافة و نصف من الدقيق الأبيض ،
- نصف زلافة من الدقيق الأصفر ،
- معلقة كبيرة من خميرة الخبز ،
- معلقة متوسطة سكر،
- حوالي نصف كأس زيت نباتية أو زيت الزيتون،
- 2 معالق و نصف ياغورت طبيعي ،
- ماء دافئ و القليل من الابزار و الملح.
في مقلاة نشحر البصل في الزيت ثم نضيف القليل من الملح ونتركوه يتقلى غير شوية ، نضيف طريفات الدجاج و العطرية ، نترك الكل يطيب فوق النار ، مين يبدا يطيب لينا الدجاج نضيف الجزر و نتركو يطيب مزيان ، و في الأخير نضيف الزعتر أو تقطيعة المعدنوس و نترك الحشوة تبرد.
العجين :
نخلط الخميرة مع السكر و الماء دافئ و نتركها تتفاعل و تغطى .
نجمع النواشف مع حكة الزعتر ، نضيف الزيت و نرمل العجين ثم نضيف الياغورت طبيعي و خليط الخميرة ، تجمع العجين بالماء دافئ و تجمع و هي لينة.
تدلك جيدا و نتركها تختمر وهي مغطاة.
نضيف الجبن محكوك للحشوة .
نأخذ العجين و تقسم لكرات متوسطة ، نبدأ في طلق كل كرة جيدا و نقطعها بالقطاعة بشكل مربع و النصف الاخر بالقطاعة ديال الشباكية ، نأخذ العجين المربع ونضع فيه الحشوة ثم ندهن الجوانب بأصفر البيض و نغطي بالعجين اللي قطعنا بالقطاعة ديال الشباكية ، تدهن بأصفر البيض مخلط بالخل أو صلصة الصوجا أو الحليب .
تدخل كل الفطائر للفرن تتحمر
بالصحة و الراحة
