موقع وصفات لالة مولاتي لكل ما يهم المرأة المغربية والعربية يقدم المسمن بطريقة مختلفة وناجحة 100/100 للأخت امة الله جزاها الله عنا كل خير
مقادير المسمن بطريقة مختلفة وناجحة 100/100
العجين- 2 زلايف فينو رطب
- 1 زلافة طحين فورص رطب
- معلقة صغيرة سنيدة لي كيبغي نكهة الفاني يدير شوية
- قريصة خميرة الخبز
- ملح
- ماء دافئ للعجن
للتوريق
- زبدة محكوكة
- زيت
- خمارة الحلوى
طريقة تحضير المسمن بطريقة مختلفة وناجحة 100/100
كتعجني عادي غير انا مكنعطيهاش الما من الاول كندلكها مزيان ونوعية الطحين مهمة كتخلي العجين دغيا يترخفومتكونش مرخوفة بزاف خاص تكون مدلوكة و شادة شوية
ونخليوها ترتاح ونعملو كويرات صغار ونغطيوهم ببلاستيكة
الزبدة نحكوها ونخلطو معاها زيت و خميرة الحلوى هادا هو سر ديالهم
طحين فينو باش تفرقي ديريه فشي قريعة بحال ديال الملح فيها تقيبات حيث مع يديك كيكون فيهم الزيت وملي كتبغي ترشي كيلصق ليك الطحين و اخترعت هاد الطريقة ههههه
نبسطو 2 كويرات وحدة ندهنوها بخليط الزبدة ونرشو شوية الفينو
والكويرة الثانية نعملوها فوقها
نكررو العملية حتا نساليو كلشي
نطلقو وحدة ونورقو بخليط الزبدة ونرشو الفينو
ونطويوها بحال الرغيفة
ونكملو الباقي
وهادي الطريقة العادية ديال وحدة وسط وحدة غير تتشد الوقت
بالنسبة للطياب كنطلقو كل رغيفة ماشي بزاف والمقلة خاصها تكون سخونة والعافية شوية مجهدة وغير نحطو الرغيفة ثواني غير تحس ونقلبوها
وهذا الشكل النهائي للمسمن كيجي مورق وراااائع
