نصائح لتخزين الملابس الشتوية





موسم الربيع بدء وبدء معه تخفيف الملابس بالتدريج وكذلك الأغطية ومفارش المنزل، وبالطبع عملية تخزين الملابس الشتوي تعتبر تحدي للسوبرز كل عام، بحيث إمكانية تخزين وتنظيم الملابس الشتوية دون تعرضها للتلف أو الفوضي.

اليوم سنقدم لك بعض النصائح لمساعدتك في عملية تخزين الملابس الشتوية:

المطلوب: عبوات تخزين (شنط قماش أو بلاستك أو صناديق خشبية أو معدنية أو بلاستك أو شنط سفر).
شاش + أوراق لافندر + قطع كافور + مسك في حالة الرغبة (كله موجود عند العطار) + شرائط أو أساتك (مكونات حافظ للملابس).


أولاً: تحضير الملابس

1. إزالة أي نوع من البقع أو أي رائحة سواء كانت برفيوم أو بودرة أو مزيل عرق بالغسيل. ويفضل دايماً غسل الملابس قبل تخزينها ولو غسلة سريعة.

2. في حالة كي الملابس الشتوية لازم تتطبق تترك قبل التخزين على الأقل ساعتين، خاصة إذا كانت الكي بالبخار علشان الرطوبة في الهدوم تجف، ومايكونش فيه ريحة كمكمة. أما في حالة عدم الكي فتتخزن علطول.



ثانياً: أنواع التخزين

1. أفضل نوع لتخزين الملابس هي الأكياس القماش (المخلة)؛ لأن فيها مسامّ تسمح بتنفس الملابس. على فكرة هي موجودة في الأزهر أو ممكن تشتري قماش دمور (أو الخيش) وأي خياط بسيط يعملها في نصف ساعة أو أقل.

2. في حالة استخدام الأكياس البلاستك حاولي تخرميها خروم صغيرة كتيرة في كل حتة. ولما تقفليه من فوق استعملي شريطة أو أستك علشان تدي فرصة الهواء يدخل والملابس تتنفس.

3. الصناديق الخشبية طبيعتها متفتحة المسام وجافة فميش مشكلة، بس لازم تكون ناعمة من الداخل، وممكن نبطنها بورق المطبخ من القاع علشان نمنع أي تلف أو وبر في البلوفرات.

4. الصناديق البلاستكية لازم تتبطن بورق المطبخ علشان تمنع الرطوبة من الملابس وعدم الكمكمة.

طرق التخزين:

1. بعد ما تأكدنا من نظافة وتطبيق الملابس نبتدي نضع الملابس الثقيلة الأول، بحيث لما نيجي نفتح تاني نلاقي الملابس الخفيفة في الأول وهكذا.

2. نحاول نقسم الملابس حسب الأقسام (بنطلونات – بلوفرات... إلخ) أو حسب أفراد العائلة (ملابس الأم - الأب - الابن - الابنة) أو النوع (حريمي – رجالي) أو كيفما يناسبك. والأفضل نلصق الاسم على الشنطة.

3. في كل كيس سواء قماش أو بلاستيك أو صندوق أو شنطة نضع حافظ للملابس اللي مكوناتها مكتوبة فوق (وهو عبارة عن شاشة بها أوراق لافندر + قطع كافور)، ونلفها في هذه الشاشة مرتين نربطها إما بشريطة أو أستك ونحطها في فتحة الكيس، بحيث لما نيجي نقفله تبقى الشاشة دي نازلة في النص حتى لو وقعت مش مشكلة. كده حافظنا على الهدوم من الداخل من أي عتة؛ لأن ده نفس أثر النفتالين بس رائحة أفضل كثيراً، وبمجرد ما تطلع لا يوجد لها أي أثر. لو في شنطة أو أي حاجة حنعمل نفس الشاشة ونحطها في النص.

4. الحاجات اللي زي بعضها توضع مع بعضها (جوانتيات - شرابات - إلخ) ونضع معها أيضاً كيس شاش بنفس المكونات لحفظهم.