المقادير:
- 2 بيضات
- كاس السكر سنيدة
- نصف كاس عنبة زيت
- ربع كاس زبدة مذابة
- 2 فاني
- 2 خميرات الحلوى
- قبيصة ملح
- قشرة الحامض اختيارية
- الدقيق حسب الخليط.
- اللوز محمر ومهرمش والشكلاط في الحشوة.
نخلط البيض مع السكر والفاني وقبيصة الملح نضيف باقي المكونات ونضيف الدقيق المغربل مع الخميرة بالتدريج حتى تجمع لينا العجينة العجينة متماسكة نقسمها الى كورتين وناخد مول دائري او حسب الرغبة ندهنه بالزبدة ونرشه بالدقيق ونبسط احدى الكورات وبواسطة المدلاك نرفعها فوق المول ونبسطها فيه بشكل متساوي نحاولو نطلعو الجوانب قليلا وندوب الشكلاط اسود ونصبه فوق العجينة اللي في المول ممكن تعويض الشكلاط اما بالمربى او كريم باتسيير او اي كريمة حسب الاختيار وندردل القليل من المكسرات تقريبا واحد 100غ من اي نوع من المكسرات انا استعملت اللوز محمر ومهرمش وناخد الكورة المتبقية دالعجينة نحكها مباشرة من الفوق في الحكاكة الغليظة فجميع الجهات حتى كتغطى لينا الشكلاط وندخلها الفرن ..
التزيين كيبقى اختياري وبالصحة والراحة
