اعداد كيك عادي بالمورانغ
مقادير :
- 4بيضات
- كاس سنيدة
- كاس زيت
- كاس معامرش حليب او اقل
- ساشي فلان شكلاط
- دانون حامض +معلقة صغيرة عصير الحامض
- 3خمارت حومر
- 2 كيسان طحين + 2 معاق كبار كاكاوو او حسب الرغبة
طريقة تحضير :
تغربلي النواشف في اناء دقيق + فلان + خمارة
في مولنكش ضربي البيض مزيان مع قبيصة ملع ومعلقة صغير حامض اضيفي شوية بشوية سنيدة سنيدة وخطيطات الزيت من بعد زيدي لحليب يكون سخون وخلطي وصبي في اناء واضيفي النواشف عبر دفعات مشي مرة وحدة خلطي مزيان حتى يتقال وزيدي دانونة ديال الحامض او اي نكهة تفظلي غير تنساجم شوية صبي الخليط في مول مدهون ومرشوش والى الفرن 45 دقيقة
غير تبرد شوية دهنيها بالسيرو مشي تسقيها متحتاش السقوة حيث خفيفة من داخل وحطي نصف لامورانغ وحطي انصاف كركاع او اي فاكهة بغيتي وخلي باقي المورانغ للتزين
مقادير المورانغ:
- 2بياض بيض
- كاس سكر كلاصي
- 2 معالق ماء زهر صغار
- ساشي نسكافي او اقل
طريقة تحضير المورانغ :
ضربي 2 بياض بيضات كبار او 3 الا كانو صغار مع كاس سكر كلاصي حتى يبدى يطلع شوية البيض وتبقاي تزيدي السكر معلقة مور معلقة بلا ما تزربي ضربي الكل على حمام مريم مزيان حتى تحسي الخليط سخن وحطيه فوق فوطة وضربي حتى يبدا يبرد من جديد المهم انو البيض يتعقم وميرجعش يسيح مرة اخرى
فاش تحسي بيه بدا يبرد زيدي ساشي نسكافي و2 ملعقات صغار ماء زهر وغير ينساجمو توقفي علن التطراب
هاد المورانغ تبقى شادا راسها حتى بعد 3 ايام او 4
تابعن معي الصور لمزيد من الشرح اخواتي .
