هاذ لاصوص لي داقها كيبغي يااااكل صبيعاتو..و على بنة كتجي فيها مع شي كفيتة ولا صوصيص ولا شي سوندويتش




مفيهاش اخرجت على اصحاب المطاعم يدعيو فيا على هاد كل الاسرار ليبعوها بالغلا والزبون يجيب له الله فعلا مكوناتها غالية
اليوم جبت  سر  ساهل  مـــــــــــاهل للكل يسال عنه  ولي هو :



لاصوص لتاكلو في المطاعم ديك البنينة لطبسيل يحطو لك غي يجيب لك الجوع هاد ميفتح لك الشهية

يالله خوذي معيا ورقة وقلم ولا تنسي امانة علك ادعي معيا دعوة صادقة ربي يهدني ويسر امري

بلحق غي بينك وبين ربك نبغيها بظهر الغيب طماعة ياك

وقولي لي طلقنا الفراجة بركة من الهدرة

غادي تاخدي مطيشة الحك ايه مطيشة الحك وزيدي علها الماء بارد الماء تكبي بشوية بشوية

ونتي تتحركي حتى يختار وطلق ونتي وعينك وميزانك

و زيدي فيها فقط الكمون

ايه سرها ولذتها في الكمون ومع هي ديال الحك لاتزدي لا ابزار لا ملح

اشتي تتبقاو تزيدو في اليقامة وتقولو مالها باسلة ومكلة الزنقة مالها بنينة

اوا اعرفي السر فين

ومن بعد خليها تغلا غي وحد شوية غي تغلا طفي البوطة وقدميها بالصحة والراحة

يميميميم مع شي كفيتة ولا صوصيص ولا شي سوندويتش

اوا بصحتكم ونتمنى تجربوها راه كتجي هاااائلة ولذيذة