تحضير طورطة بكريمة الحامض





وصفة الاخت فاتي

تحضير طورطة بكريمة الحامض

المقادير:

الجنواز:
  • 4 البيضات،
  • 200غ سنيدة،
  • 200غ دقيق،
  • فاني ملعقة خل.خميرة حمرا،


الطريقة:

نطربو البيض والسنيدة والفاني مزيااان حتى يتضاعف الحجم 3 مرات، من بعد نوقفو التطراب ونضيفو الدقيق والخميرة على دفعات مع التحريك بالملعقة من الفوق الى التحت غير بشوية ونضيفو الخل حتى نكملو الدقيق من بعد تنضربو بالطاوة باش تقاد لينا العجينة وندخلوها للفرن مسخن من قبل لمدة ربع ساعة تقريبا.

كريمة الحامض:
  • 2 بيضات،
  • 125غ سكر بودرة،
  • ملعقة كبيرة قشور حامض،
  • 3 معالق كبار حليب نستلي،
  • 3 معالق كبار زبدة، 
  • نصف معلقة صغيرة نشا، 
  • كاس عنبة عصير الحامض.


نخلطو كل المقادير في كاسرولة ونحطوها على نار متوسطة مع التحراك حتى تعقاد الكريمة ونزولوها من النار ونديروها فشي اناء ونغطيوها ببلاستيكة ونخليوها تبرد غير فالمطبخ ملي تبرد مزيااان غتكون جاهزة للاستعمال، انا قسمت الطورطة على جوج سقيتها بعصير الليمون ودرت طبقة من القشدة الطرية مطربة وطبقة رقييييقة من كريمة الحامض ودرت طبقة الطورطة لي بقات حتى هيا سقيتها وزينت بالطريقة لي كتوضح الصور وبالصحة والراحة فالحقيقة جات رااائعة نتمنى تعجبكم.