غذاء ملكي بأقل من 35 درهم…سوف يبهركم



السلام عليكم
حبيباتي كيدايرات لاباس؟
اليوم غادي نوريكم طريقة اكلى ساهلة وبسيطة ورخيصة وزوينة للي عندها الدراري الصغار راه ماوصلة حتى 35 درهم فير دخلي راسك فالثلاجة وطلعي الموجود واجي نديرو غديوة ملكية

المقادير

  • 15 درهم دجاج (4جناوح وشوية ديال الصدر)
  • 2مطيشات
  • 1 خيارة
  • 1 خس ( راه غير سمية خس بقاية منسيات الثلاجة درتها في مختفون وجاب الله واحد القرعة ديال الماء في الثلاجة عيطت عليا وقالت لي هايا فين مخبية ههههههههههه)
  • ربع بصلة
  • شوية كروم (كان باقي فالثلاجة ومابغيتو يضيع)
  • شوية خيزو ( مكونجلي)
  • 1 كيلو بطاطة
  • 3بيضات


مقادير العصير

1 لتر ونصف ديال عصير ديال بجوج حامضات و2 عراش نعناع + سكر + ماء (ماوصل حتى 4 دراهم )


مقادير الدجاج

  • ملح 
  • بزار
  • زعفران
  • عطرية 
  • حامض
  • ثوم 
  • اصفر بيضة 
  • خبز كارم مطحون خشن/


مقادير لبطاطة

  • ملح
  • كمون 
  • خبز كارم مطحون ناعم/ لخيزو ملح
  • معدنوس
  • شويش سنيدة
  • شويش زيت


لسلطة / 

  • ملح 
  • خل
  • زيت
  • للكرمب / مايونيز+ ملعقة ماء

هذ الماكينة ديال لكروكيت جايباها من بلجيكا ماتنفعني في اي كروكيت بطاطة حوت ..الخ سميتها بالبلجيكية kroketten machine وواحد لهراس كانهرس بيه لبطاطة وموس باش نقطعها