جديد الحلويات : حلوة الشهدة باللوز
المقادير
- 250غ بودرة اللوز
- 150غ سنيدة
- 50غ زبدة
- 50غ ماء الزهر
- نكهة اللوز
الطريقة
في كسرونة تكون ثقيلة تنوضعو ماء الزهر وسنيدة والزبدة على نار مهيلة ملي تذوب سنيدة والزبدة نضيفو اللوز مع التحراك المستمر حتى تجمع العقدة ومتبقاش تلصق في قاع الكسرونة نزولوها ونخليوها تبرد شوية تم نسرحوها بالمدلك بين 2 بلاستيكات او ورق الزبدة نطبعوها بطابع الشهدة اللي تنفندوه كل مرة في سكر كلاصي باش متلصقش فيه العقدة ونقطعو بطابع مربع نفس قياس طابع الشهدة نحتافضو بالحلوة ليلة كاملة باش تنشف وتقصاح تم نزينوها بحيت نذهنوها من جهة بالكليكوز مخلط مع الناباج ونفندوها في اللوز محمر ومسمد ونغطسو النصف التاني في الشكلاط .ملحوظة : في حالة الى قصاحت العقدة وحنا تنخدموها نردوها فوق نار مهيلة تسخن باش تطلق
