وصفة الاخت أمينة أشبار تبارك الله عليها
كيكة بسطيلة مالحة بالدجاج روووعة
الحشوة :
كنشدو مقلة سخونة نديرو فيها 2 بصلات نحكوهم في حكاكة غليظة وشوية الزبدة ونزيدوهم نصف كيلو ديال الصدر ديال الدجاج مقطع والثومة والربيع مليحة سكينجبير ابزار ونخليهم يتقلاو مزيان حتى يطيب الدجاج
من بعد كنحيدو طريفات الدجاج وديد الصوص كنخليوها في المقلة ونزيدوها 2 خيزويات محكوكين ومعلقة كبيرو ديال العسل ومعلقة ديال القرفة ونخليوهم يتعسلوا
ودابا ندوزو لكيك :
- نصف كيلو سميد البغرير
- نصف لتر حليب
- 4 البيضات
- 2 خمارات
- كاس سنيدة
- كاس زيت
- قبصة الملح
كنخلطوهم مزيان وندهنوا المول بالزبدة والطحين وكنخويو نصف خليط الكيك ونديرو الحشوة من الفوق ونصبوا باقي الخليط كيفما درت ليكم في الصور
وندخلوها للفرن وبالصحة والراحة
