وصفة الاخت توأم روحي تبارك الله عليها
المكونات:
الطبقة 1:- جوج بيضات
- 1 خمارة
- 1 فاني
- 2 معالق كاكاو
- 1 معلقة نيسكافي
- نص كاس زيت
- نص كاس سنيدة
- نص كاس حليب سائل (عوضتو بحليب بودرة ونص كاس ماء) كاس دقيق نوع جيد
- ( كاس ماء سخون + معلقة نسكافي)
الطبقة 2:
- نص لتر حليب
- 2 فلون عادي او شكلاط
- 2 معالق مايزينة
- نص كا س سنيدة
- 3 باكيات سابلي او 16 حبة بيسكوي
- علبة قشدة طرية
الطبقة 3 :
- نصف لتر ماء
- 2 معالق مايزينة
- نص كاس سنيدة
- 2 فلان شكلاط او عادي
- 2 معالق كاكاو
- 125 غرام شكلاط (3 دراهم شكلاط مربع ديال 4 ريال)
الطريقة :
الطبقة الاولىكنخلطو جميع المكونات ونديروها في مول كيتحل مدهون وندخلوها للفرن مسخن من قبل درجة حرارة 180 نخليوها حتى طيب غير 15 دقيقة من لتحت ونشعلو الفران باش طيب من الجيهات بجوج ملي طيب نخليوها تبرد غير شوية ترتاح ونسقيوها بكاس ماء مخلط بمعلقة نسكافي ونخليوها تشرب ونبداو الطبقة 2
الطبقة 2:
في كسرونة عملو لحليب والفلان ومايزينة وسنيدة ونيسكافي وكاكاو ونخيوه يغلى مع تحريك ملي يغلى نزيدو بيسكوي مفتت ونخلو ونديرو القشدة الطرية ونكملو تخلاط بخلاط كهربائي غير تنساجم المكونات نضيفوه للطبقة الاولى وندخلوه للثلاجة يبرد نخليوه 30 دقيقة ونبداو نوجدو الطبقة 3 اختيارية
الطبقة 3
في كسرونة نديرو الماء والفلون والشكلاط وسنيدة وكاكاو ومايزينة ونخلطو مزيان ونديروه يغلى فوق الناء ملي يغلى نضيفوه للطبقة 2 وندخلوه للثلاجة ماشي مجمد ونخليوها حتى تبرد ونقدموها بالصحة والراحة والتزيين حسب الرغبة
