إليك يا لالة طريقة لذيذة وجديدة لتحضير السردين على شكل الكراتان، لن تستطيعي مقاومة مذاقه اللذيذ، مؤكد سيعجبك.
خودي السردين نضفوه مزيان ونحيدو ليه السلسول وخودي صينية الفرن وفرشي السردين فيها بعد ما دهناها بشوية الزيت تم ضيفي شرمولة الحوت المعروفة قزبور ومعدنوس مقطعين رقاق تلاتة الثوم محكوك بصلة صغيرة محكوكة ملح ابزار سكين جبير وخرقوم وكامون وتحميرة وشوية سودانية وحامض مرقد مقطع رقيق وعصير حامضة وواحد مطيشة محكوكة وشوية زيت بلدية نضيفها على السردين ثم خودي بطاطا مقطعة مربعات مصلوقة ومقلية فالزيت وضيفيه على شرمولة تم غطيها كما في الصورة بالباقي من السردين ودهنيه بشوية الزيت رومية ودخليه للفرن على نار متوسطة بدون اضافة ماء يكفي عصارة السردين والشرمولة وبالصحة والراحة.
