كيك بارد بدون فرن رائعة في المداق

وصفة الاخت زينب تبارك الله عليها

كيك بارد تشبه كيكه قدرة قادر و تشبه كيكة الشمواه بلا فرن رائعة في المداق

الطبقة الاولى: 

1 كاس سنيدة كدوبيه في نار مهيله حتى يولي كراميل كنخويه بالزربه في القالب

الطبقة الثانية:

 – نصف لتر حليب – 5قطع سكر صغيره – 1 فاني – 1 ساشي فلان كوخادا و 2 معالق مايزنه كتحطي المقادير في كاسرونه كتبقاي تحركي حتى كيتقال الخليط كتخويه في المول و دخليه يبرد حتى ساعه عتد وجدي الطبقه 3

الطبقة الثالثة:

 ربع لتر حليب- ملعقة كاكاو – 1 فاني – 3قطع سكر صغيره بسكوي مفتت 100غ 1 فلان شكلاط ملعقة صغيرة مايزنة

كتخوي ساشي د فلان في ربع لتر د الحليب و سكر كتحركي حتى يفيض و تزيدي البسكوي المفتت و الكاكو و تبقاي تحركي حتى تجانس المكونات و خويه في المول بعد ما برد على الاقل ساعه

كدخليه التلاجه حتى يبرد مزيان و قلبيه و بالصحه و الراحه