سلام عليكم
كيكة عادية ولكين غن كتب ليكم المقادير
3بيضات وضعيهم في مولينكس طربي شوية وضفي كاس ﻻروب العنبة سنيدة قرصة الملح وطربي تم ضفي كاس زيت ونت كطربي ضفي كاس دانون و1م ص خل ونص كاس الماء و1 فاني تم فرغي الخليط في بانيو وضفي 2كيسان ونص فورص مغربل مزيان و3خمارات وكوني داهنى المول بزبدة ورش بطحين دخليها الفرن مدة طهي 50 دقيقة تم قلبي الكيكة واش طابت بالقطيب حيت عالية كتخود الوقت لطابت خرجيها وقلبيها فوق غربال
انا طيبتها في ليل وزينتها في صباح
قسمة دوائر وضعت كريمة # فيها كاس حليب 3م سنيدة 2م غبرة كريم باتسري 1م ككاو نسميها بفاني او….تم وضعيها في كسرون فوق نار مهيلة حتى تعقاد تم نزليها وضيف 1دانيت شكﻻط 1م ك زبدة وحركي مزيان وتركيها تبرد تم كل دائرة سقيها بسيرو راكم عرفينو ولقيها بكريمة وزيني لوجة بكريم شانتي كان بقي عندي2م غبر من الباكية ديال شانتي وضفة ليهم نص كاس حليب وطربتو وضفة دانون كريم وزينة بيه وتزين كيبقى ختيار وبصحة وراحة
ونا كان فضلة المول صغير رها كتجي شهوا منها
