نقدم لكي سيدتي تحضير حلوة الجاكار بالمربى و الكوك
المقادير:
- 3 بيضات
- كاس ونصف زيت
- كاس ونصف سنيدة
- نصف كاس ماء زهر
- 2 خمارات
- الدقيق حسب الخليط
- بدرة كاكاو للتلوين
- كوك للتزيين
كونفتير مشمش جاري خاص بالحلويات للسقي
ممكن تضوبلو المقاديرايلا بغيتو او ايلا عندكم طاوة كبيرة
نخدم البيض مع سنيدة والزيت وماء زهر
نضيف القيق مع الخميرة ونجمع العجين
ثم نقسمو على 2
النصف نخليه والنصف الاخر نزيد ليه غبرة الكاكو بعدما رطبناها مع قليل من الزيت نزيدو في الكاكاو حتى نحصلو على اللون اللي بغينا
ونعاود نقسم كل جزء الى نصفين هكدا يكون عندي 4 طبقات
بعدما دهنا الطاوة اللي تجينا نوضع العجين طبقة فوق الاخرى بعدما نبسطوها قليلا باليد وهدا هو السر باش يجيكوم مقاد
ونبدا نبسط بايدي و ماكنستعملش المدلك هكدا كنتحكم في العجين وفي السمك ديالو باش ما تجيش بلاصة رقيقة واخرى غليضة
ما تديكومش على الجناب راه غادي نقطعوهم ملي تطيب وبيهم غادي نباليو ههه هوما لي كنسبق للوليدات
بعدما تطيب نسقيوها باقا سخونة بمربى المشمش يكون جاري
ملي تشرب تدردرو عليها الكوك
ثم نقطعوها كيف حبينا مربعات او معينات كبيرة او صغيرة
وهاهي واجدة بالصحة والراحة
