وصفة الاخت يسرى تبارك الله عليها
مقادير الصابلي:
- 80غ زبدة
- 2 أصفر البيض
- 80غ سكر
- حامضة محكوكة
- 110غ دقيق
- قبصة ملح
- قبصة خميرة الحلويات
خلطت البيض والسكر جيدا وضفت الزبدة وخلطت جيدا حتى نحصل على خليط كريمي ونضيف الدقيق والخميرة والملح مغربلين ونجمع العجين بدون دلكها
طلقتها بين 2 بلاستيكات ودخلتها الثلاجة ساعة وقطعتها ووضعتها في مول الكاب كيك مدهون ومرشوش بالدقيق ودخلتهم الفرن حتى طابو وخرجتهم خليتهم بردو شوية وحيدتهم من المول ونكون موجدة الكريمة من قبل
مقادير الكريمة:
- 2 أصفر بيض
- كأس قل ربع عصير حامض
- وقشرة الحامض اللي عصرناه محكوكة
- معلقة كبيرة مايزينا
- سكر حسب الذوق انا درت معلقة ونصف بغيت المذاق حامض
خلطت الكل جيدا ووضعته فوق حمام مائي مع التحريك حتى عقاد و طفيت عليه وزدت ليه 50غ زبدة وطربتهم جيدا ورديت الخليط فوق حمام مائي حتى اندمجات الزبدة مع الكريمة وصفيتها من قشور الحامض و كناخذ مول السيليكون الشكل المفضل انا ختاريت شكل الوردة ونعمر فيه الكريمة ودخلته للمجمد حتى شد فراسو مزيااان ونقدر نزول منو الوريدات بسهولة ودرتهم فوق الصابلي وزينت بشكلاط ابيض والجوانب باللوز مهرمش . بالصحة والراحة
