شفتي حنا بنات اليوم ما عندنا الخاطر نبقاو نتسناو الطاجين حتى يطيب
ويضيع لينا نص نهار وحنا شوف فيَ نشوف فيك
ولهذا ابتكرت بفضل الله طريقة سريعة تخليك تاكلي ببنة الطاجين
وفنفس الوقت بسرعة الكوكوت
وهاد الكوكوت الشنيولة هي اللي قاضية بيها الغرض واليكم التفاصيل :
كنعمل فيها اللحم او الدجاج يتسلقوا في ماء كاف .. كاف حيت الماء سنحتاجه
تدوز ربع ساعة نزيد عليهم الخضر اللي ناوية نعملها فالطاجين
نحس بالخضرة قربات تطيب نمشي نوجد الطاجين على نار متوسطة واسفله صفيحة معدنية
نعمل فالطاجين الزيت الرومية او البلدية واعواد الربيع مفرشة
ناخذ الماء اللي فالكوكوت ونعمل فيه كاااااااافة التوابل والثوم والملح والزيت من جديد
+ شوية ديال الهريسة + صوص طوماط
ناخذ من الكوت اللحم والخضر برفق واضعهم مستفين فالطاجين
نقطع البصل على شكل هلال باش ما تطلق كثرة الماء ديالها
ثم اضع طماطم على شكل دوائر
أصب خليط الماء والتوابل على كافة الخضر واللحم
وهنا ياتي دور السر :
السر هو انك كتسدي الطاجين في انتظار نضج البصل والطماطم فقط
اما باقي المكونات راها طايبة فالكوكوت باقي ليها فقط بضع لحظات وستنضج مع البصل
البصل كتطلق بنتها فاللحم والخضر وكيطيب الطاجين بلذة الطاجين ومااااااااا كيتحرقش ابدا
لان مدة الطهي وجيزة والبنة والنسمة ديال الطاجين اللي كنقلبوا عليها راها موجوووووودة
الاجمل ما في الامر ان العائلة كتاكل بنهم ظنا منها كلات وصفة طايبة من الاول فالطاجين
لكن الحقيقة انها كلات طاجين من طواجن الاكسبريس
كل انواع الخضر تمشي مع الفكرة
اما الرائحة ممممممممم ديال ريحة الطاجين الاصلي واللحوم طايبة وبنينة والخضر كذلك
