المقادير :
- كاس الزيت
- كاس سنيدة
- 3 بيضات
- خمارة 15غرام
- 1 فاني
- دانون ديال فاني
- 3 كيسان عنبة ديال الدقيق
- الشكلاط مهرمش
- معلقة صغيرة قشرة البرتقال محكوكة
طريقة التحضير:
في اناء كنخلطو البيض والزيت و السنيدة بالطراب اليدوي
ملي يتخلطو مزيان نزيدو الفاني قشرة البرتقال و دانون
وملي نخلطو مزيان نبداو نزيدو الدقيق
بشوية بشوية ومنساوش الخميرة
فالاخير نضيفو الشكلاط
ونجيبو المول ديالنا نديرو فيه الكويغطات
ونعمرو غير الثلثين ديال الكويغطات بالعجينة
والثلث لي بقا خاوي غاديا تطلع فيه العجينة وتنفخ
ملي تبدا طيب ندخلوها لفران نكونو مسخنينو من قبل
ملي طيب المادلين صغار بالشكلاط ديالنا نخرجوها من
الفران و نخليوها تبرد شوية
ونقدموها لوليداتنا بالصحة و الراحة كنتمنى تجربوها.
