ها كيفاش تسخني لمسمن لي مكونجلي ويجيك بحال يلا عاد طيبتيه




السلام عليكم ورحمة الله وبركاتة

اليوم حبيباتي جيت نشارك معاكم واحد الطريقة بسيطة باش تسخي المسمن لي مكونجلي

ويجيك لذيذ تقول عاد طيبتيهم

وهاد القضية كتنفع بزاااف وخصوصا منين كيجيوك الضياف وعندك المسمن فالفريكو وخاصك دغيا يذوبو ويتحطو فالطبلة

بلا منزيد نطول عليكم حبيباتي الطريقة ساهلة وبسيطة

يلا كان عندك المسمن جامد وجاوك الضياف بلا ما تنتضري يدوب

ديري الماء يغلى في البرمة وعملي المسمن او الرغيفات في الكسكاس وخليه يفور حتى تحسي به ترخى

ومن بعد حيديه وقدميه ساخن بحال يلا عاد صاوبتيه

نتمنى نكون فدتكم