نقترح عليك سيدتي حرشة الشعير بحال ديال المحلبات كطيب فالفرن و كتجي لذيذة
غنحتاجو:
- 2 كيسان بلبولة شعير غليضة مرطبة فالماء طايب 4 ساعات أو ليلة كاملة.
- 1 كاس دقيق الشعير.
- 1كاس سميدة رقيقة.
- 2 معالق كبار زيت الزيتون.
- 1 خمارة حمرا (7غ).
- 1 معلقة صغيرة خميرة لخبز.
- ملح حسب الذوق.
نخلط دقيق الشعير والسميدة الرقيقة مع الملح ونبسسهم بزيت الزيتون. ثم نزيد عليهم خمارة حمرا.
ندوب خميرة الخبز فشوية الماء دافئ ونخلطها مع لبلبولة.
نخلط الكل مع بعض ونخليها ترتاح نصف ساعة.
نذهن مول أو مقلة ثقيلة بزيت الزيتون ونرش عليه لبلبولة.
نحط الخليط فالمول ونقادو مزيان.
وندخلها للفرن معتدل الحرارة 30 دقيقة حتى تتحمر مزيان.
وهاهي واجدة بالصحة والراحة.
فعلا لذيذة. قدمتها فالفطور.
