هاد الروز بمذاق الحووت كنديرو فالعشا بزاف كيجي رااائع متمليش منو بكثرة اللذة
بالنسبة لطبق الأرز حكيت بصلة ومطيشة ضفت عليهم القليل من الزيت والثوم ،ملح وابزار تحميرة كذلك القزبر والمعدنوس وورقة سيدنا موسى ملعقة طماطم مركزة،قطعت فلفل الوان ،شحرت جميع العناصر مع زلافة ديال الأرز،خليتهم تشحرو مزيان ومرقت ب2 زلايف ديال مرق الحوت”عظام السمك”،خليتو غلا مزيان ونقصت العافية على حدها وحسبت 25 دقيقة وهاهو واجد.
السمك قطعتو شرائح طولية ودرت ليه نفس التوابل +عصيرالحامض وزيت الزيتون،خليتو ترقد مزيان وطيبتو غير فمقيلة ،راه كيطيب دغيا متخليووش بزاف فوق نار باش ميقساحش وبالصحة والراحة.
ملاحظة:ممكن ديرو هاد الطبق بالدجاج والأرز تنسموه بكنور ديال السمك او لي بغيتو.
من تحضير الاخت Saloua Riham
