ماضلين خفاف واقتصاديين بمذاق روعة
المقادير:
- 2 بيضات
- علبة ياغورت فاني وهاد العلبة غانعبرو بيها باقي المقادير
- علبة سكر
- علبة غير مملوءة خليط زيت وزبدة مذابة ونقدرو نديرو زيت وحدو انما الزبدة كاتعطيها مذاق اخف
- خمار ونصف اي 12غ
- واحد فاني
- قشور حامضة او برتقالة محكوكة
- قبصة ملح
- 3 علب دقيق ما يعادل 220غ
كانطربو البيض والسكر مزيااان حتا كيبدا يبياض البيض وهادا السر باش كايجيو خفاف نقدرو نديروه حتا فالخلاط من بعد نضيف الياغورت والزيت والفاني وقشرة الحامض وحنا كانطربو وفالاخير نضيفو الدقيق مغربل مع الخمارة ونصف ونخلطو غير بالطراب اليدوي ثم نفرغها فالقوالب ونرش اللوز فيلي او شكلاط او نخليهم هاكاك حسب الاختيار وبالصحة والراحة
