هاد الوصفة واخا نظل نشكر فيها منوفيش حقها عمرتلي الشعر و مبقاش كيطيح




بالنسبة للتساقط والله عن تجربة وخلال شهر بالكثير تبان لك النتيجة لكن العلاج ماشي غير من الخارج راه حتى من الداخل اغلبنا تنعانيوا من فقر الدم او الانيميا لهذا عالجي من الداخل ومن الخارج العدس يكون عندك حاضر بقوة خذي اقراص الحديد من الطبيب او من الصيدلية كلي الخضروات والفواكه ونصيحة اي وصفة خاصة بالتساقط الى كانت العلة من الداخل راه بحالا تتكبي الماء في الرملة ما تفيدك بوالو اذن الى اهتميتي بالمشكل اولا من الداخل يمكن لك تبحثي على وصفات لي تساعد نمو شعرك وتغذيه وعن تجربة نعطيكم هاذ الوصفة الرائعة لي غادي تشوفي العجب بها ان شاء الله



اول شيء حضري محلول يكون من اليزير والزعتر واوراق السدر وقشور البصلة : اليزير تيرطب ويغذي والزعتر تينمي الشعر وتينشف الفروة

السدر تيرطب ويقوي الشعر ويساعد في النمو ديالو قشور البصلة غنية عن التعريف فيها فيتامين س وغنية بالمعادن وكذلك بمركبات فيلافونويد لي تتعالج الشعيرات الدموية يعني تتعالج فروة الراس، تعملي الماء يغلي مزيان ثم ترمي فيه حفينة زعتر وحفينة يزير ونفس المقدار سدر وقشور بصلة حمرة متوسطة غطيهم وخلي الماء يزيد يغلي واحد 3 دقايق ثم طفي عليه وخليه حتى يبرد صفيه و ديما معاك ملي تغسلي شعرك ديريه في بلاصة الديميلور
وفزكي به الغاسول

الخلطة ولي هي الاساس

3 فصوص الثوم بصلة حمرة
حكي الثوم وحكي البصلة خلطيهم بزيت بلدية وضيفي لهم معلقة كبيرة سدر لي تيتباع عند العطار خذي 5 دراهم يعطيك بزاف لانه خفيف في الميزان

شمشيه ودقيه وغربليه راه بحال الحنة تيرطب الزغبة ويوقف التساقط بشكل عجيب وحاجة مهمة يجب الانتباه ليها وهي ان شي وحدة تتجي تقول لك درت الوصفة وما دارت لي والو وهي اصلا دارتها مرة ولا جوج تتبقى تخلط والله لو تبعي هاذ الوصفة الى غادي تشوفي النتيجة الرائعة وما تخلطيش الامور بقاي على وصفة وحدة باش الزغبة والفروة يستافدو وياخذو على اساس الوصفة ويستانسوا بالمكونات ديالها هكذا تتجي النتيجة اما ندير الف وصفة وصفة وكل مرة نحط قناع على شعري بهدف نوقف التساقط بدون معالجة الامر من الداخل فهذا راه خطأ وكبير حتى نفسيا تياثر فيها لهذا حبيباتي الصبر والعقل يحضروا بجوج وكلشي ان شاء الله له حل الله يجملنا بالايمان ويقوي العزيمة باش نكونوا مسلمات تقيات عفيفات يارب نحن على ابواب شهر الخيرات شهر شعبان كل يوم ترفع فيه الاعمال فلنجتهد كي تتقبل منا الاعمال والله يجمعني واياكن باعالي الجنان يارب
تقبلي مروري بينكن .