السلام عليكم حبيباتي عندي واحد السر صغيور بغيت نشاركو معاكم ولكن يستاااهل،ملي عرفت هاد الطريقة ديال بايلا فالكوكوط مبقاتش تخطاني وهي لي مسلكاني فالعشا كتجي رااائعة المذاق والارز مفرز وناااشف.
المهم ادابغيتي الارز يجي فحال البايلة ولكن في الكوكوت حمري الروز في الزيت والملح مع الخضر طبعا مقطعين صغار فلفل و خيزو والجلبان ،بصل وطماطم و ديري المقادير ديالك عادي والسر هو الماء ضعف كمية الارز ومدة الطهي 20د والعافية خاصها تكون نااااقصة،المهم ايلا عملتي مثلا زلافة ديال الارز عملو 2 زلايف ديال الماء او واحد السر اخر كنضيفو هو كنور ديال الحوت كتجي غزااااااااالة واخا تكوني دايرا الدجاج،جربو طريقتي وردو عليا الخبار.
