الكيكة البرازيلية او كيكة ديسباسيتو لي دارت ضجة مؤخراً





الكيكة البرازيلية او كيكة ديسباسيتو


للطبقة الاولى :


ثلاثة بيض و أربعة مغارف كبار سكر و خمسة مغارف كبار فارينة و رشة ملح و مغرفة خميرة ڤاطو و مغرفة فانيليا و روز مغارف كاكاو



الطريقة :


اتركض العظم و السكر و رشة الملح و الفانيليا لين يولى الخليط ابيض و بعد اتزيدو الفارينة وًالخميرة مغربلين و أتحرك بالشوية و بعد اتزيد الكاكاو و اتخلط بالشوية وًبعد اتصب فى الطبق الى يتحل من الجنب و ادخلها لفور مسخن من قبل على 180درجة مدة 12دقيقة و بعد ما أطيب اتخليها تبرد و اتحضر الموس شكولا.


للموس شكولا لازم باكو كرام شنتاي وً كاس حليب بارد و كعبة ياغورط شكولا و 150غ شكلاطة مذوبة
اتركض الشنتاي مع الحليب و بعد اتزيد الشكلاطة و اتزيد اتركض و اتزيد الياغورطة شكولا و اتخلط و بعد تأخذ الطبقة الاولى متاع الجينواز اتنقبها بفرشيطة و الا عود و اتصب فوقها كاس حليب شكولا يعنى حليب بارد اتزيدو مغرفتين شكولين و بعد اتصب الموس الى حضرتها و تستويها و ادخلها للفريجدار تبرد على الأقل ساعة و أتزين كيما أتحب خطوط شكولا و الا اَي حاجة عندك شكولا مهروشة و الا بسكوى مهروش و اتقدمها بالشفاء