السلام عليكم
لباس عليكم ايوا اجيو تبرعو لي بالدجاج
اخواتي فين ما تشريو تجاج ملي تغسلوه وتساليو شدي ضويمة زعفران + سكنجبير + سمن
بالنسبة للسمن فهو اختياري انا مكندروش ديما
المهم شدي الدجاج لي جبتيه دهنيه كله بضويمة وسكنجبير وخليه يترقد او دريه مباشرة في فريكو
ايوا ملي تجبديه مل لفريكو دك ساعة طيبي بيه لي بغيتي
مكتجيش فيه الزوفيرة وكيجي فيه طعم لديد جدا متخايصش تشبعي منه
كاين حتى طريقة أخرى وحتى هي زوينة
غسلي الدجاج بالماء و الملح و الحامض و في الاخير خذي الهريسة ومسحي بها الدجاج مزيان
و خليه شوية فيها ثم غسليه
و كدلك ملي تبغي تحمريه و دخليه للفرن دهنيه بالزبدة و شوية الهريسة
تيجي لونه أحمر و ما تيجيش حار خاصة بالنسبة للاطفال
هده الفكرة سمعتها في الراديو و جربتها و جات غزالة
