لبيريوش ديالي الحلزوني هاهو واجد للكوتي كيجي رطب و هشيش و بمقادير بسيطة وبكريمة ساهلة خفيفة و لذيذة كتزيد مذاق للبريوش و رطوبية زيادة كتغيير من اننا دائما نستعملوا كريمة الحلواني كريم باتسيير او اي كريمة تانية و ايضا ممكن تعوضوا كريمة الفرماج بكريمة كاتعجبكم انا حطيت ليكم المقادير و الشرح بالصور
طريقة
كتخلطي لحليب دافي و الماء دافي والسكر و خميرة الخبز ومن بعد تزيدي الزيت و ابيض البيض والدقيق و الملح و خميرة الحلوى تجمعي عجينة تكون شوية مرخوفة تخليها تخمر تطلقيها تحطي عليها لكريمة الي وجدنا ونلويوها من بعد نقطعوها باستعمال الخيط بحال الشنيك نحطوهم في الصينية ندهنوهم باصفر البيض ونخليوهوم يخمروا نرة تانية نشعلوا الفران يسخن ومن بعد ندخلوهم فيه وهاهوما واجدين
ملاحظة
الدقيق على حسب كل نوع انا هز ليا 650 انتوما على حسب اقل او اكثر حسب الجودة و النوعية.
