موقع وصفات لالة مولاتي يقدم بالصور كيكة بالبرتقال سهلة ورائعة من الاخت لطيفة
مقادير كيكة بالبرتقال سهلة ورائعة
عجين باريزي- 250غ دقيق
- 125 غ زبدة
- ملح
- 3 معالق سكر
- اصفر بيضتين
- الابيض نزيد عليه بياض بيضة اخرى يعني 3 أبيض البيض
- ونطلعوه مثل الثلج
مقادير الحشوة
- 2 كيسان كبار عصير برتقال ما يعادل نصف لتر
- 2 فلان صغير
- معلقة كبيرة نشا معامراش
- نصف كاس العنبة ماء
- سكر حسب الذوق ممكن 3 ملاعق كافية
طريقة تحضيركيكة بالبرتقال سهلة ورائعة
نخلطو الفرينة مع الملح والسكر ونرملوها بالزبدة جيداونجمعوها باصفر البيض ونغلفوها مزيان ببلاستيك
ونخليوها ترتاح نصف ساعة في الثلاجة
من بعد نسرحها بواسطة مدلك وطبعا وسط الميكة باش تسهال علينا تمديدها
نحطوها في مول ونثقبوها مزيان بواسطة الفرشيط
ونطيبوها في فرن معتدل
فاش طيب نخرجوها ونوجدو الحشوة ديال البرتقال
في كاسرونة نحطو العناصر
ونخلطو مزيان حتى يدوبو
ونحطوالحشوة على نار متوسطة حتى الغليان مع التحريك المستمر
ونصبوها فوق الطارت لي طابت
ونخليوها نصف ساعة في الثلاجة حتى تجمد
نضربو بياض الثلج باضافة 3 ملاعق سنيدة شوية بشوية
ثم نضيفو 1 فاني مع التطراب
فاش تطلع نعملوها في لابوش ونعملو الشكل لي يعجبنا
ونرجعوها للفران حتى تحمار مزيان
ونخرجوها ونزينوها بالطريقة للي تناسبنا
وهاهي كيكة بالبرتقال سهلة ورائعة واجدة
