بسبوسة بالكريمة لذيييذة ما شهيتكم فيها فعلا لذيذة بزاف وتنتمنى تلقى إعجابكم وتشجيعكم.
وصفة الأخت: Karinane Kati الله إعطيها الصحة
المقادير:
- 2 بيضات.
- كأس غير مملوء سنيدة.
- كأس زيت .
- دانون طبيعي.
- كأس غير مملوء حليب سائل.
- فاني.
- قبصة ملح .
- كأس كوك.
- 2 خمارات الحلوى.
- 2 كؤوس سميدة الحلوى.
الطريقة:
نخلطو الجميع ونقسم الخليط على نصفين نكبو النصف الأول في مول مدهون بالزبدة ومرشوش بالسميدة رقيقة وندخلوه للفران على نار هادئة. ما بين 15حتى 20 دقيقة ونخرجوها.
في هاد الأثناء في كسرونة نخلطو نصف لتر حليب. 2 معالق كبار السنيدة. 2 معالق كبار نشا. كأس حليب غبرة ونوضعوها فوق نار متوسطة مع التحريك حتى يعقاد الخليط نزوله ونضيف عليه 2حكاك بيرلي ونضفوه على البسبوسة وندخوها الفران وتكون العافية من الفوق وهادئة. حتى تشد في راسها من بعد نخرجوها ونضيف عليها الخليط الثاني ونرجعوها للفران وتكون العافية مهيلة ومن التحت حتى تتحمر وفي الأخير نسقيوها بالسيرو والتزين حسب الدوق وبالصحة والراحة.
